#呀鹽信箱
讀者來信：內容概要現任男友一直私訊前任女友，亦坦誠說出仍然未放低前度，但又表示點都唔會同返前度一齊。
“他說他真的是一個很重感情的人，可是他明知道如果跟前任在一起他不會有一個快樂的將來，可是他就是無法放棄。”
姐在世上活了34年都算見過啲風浪，如果男人話”放唔低前度係因為重情”...我可以同你講呢個係史上最爛嘅藉口！
你話有一次試過男朋友要從你同前度選擇其一，其實你唔可以再比呢件事發生，因為你並唔係一條選擇題！有啲男人忘不了前度，可能係因為有一啲默契，同前任發生過已暫時未發生過响你哋身上，所以佢會有意無意作咗比較，而更加放唔低前任。但係呢個並唔係你嘅錯，亦唔代表你比前任差。 世上唔會有兩片完全相同嘅葉，就算對於樹嘅本身，同執葉者都係一樣。每個人都有自己嘅特質，如果佢不斷loop喺過去做比較，又點能夠同你一齊向前創造將來呢？
又或者另一個原因係，之前分手嘅時候佢仍然抱有一啲唔唔甘心，所以就算已經分開咗一年到仍然想話俾前度聽”我過得很好”。
對我自己來講，無論邊個原因我都接受唔到。
唔能夠同自己嘅傷口告別，又點可能move on同你繼續行落去呢？我曾經都寫過”分手仍然可以做嗎？”當然同前度保持禮貌上嘅友好關係絕對無問題，但假設如果因為前度嘅關係，而影響現有嘅感情就好大問題。而且當我已經同咗你講我介意嘅時候，你仍然要繼續聯絡...那，過去嘅感情比而家嘅感情咁重要咩？我真係覺得點講都講唔通。
當然，我始終唔係當事人，亦唔清楚你哋真正嘅狀況當然唔可以妄下結論。但係我好清楚一個成熟有擔當嘅男人，會首先將感情分乾淨處理好先再展開新戀情。如果佢真係好鍾意你，佢一定會諗辦法處理好自己嘅感情，令自己好好沉澱再走出來。記住唔好為咗其他人去委屈自己嘅感受。
如果一個男人唔能夠全心全意愛我一個，咁我寧願佢放我走🙏🏼
共勉之
#仍然預祝你情人節快樂
看我IG Missyboni
Search